Divina pietate fidelibus concessum est, ut de rebus quas jure possident, si eas bene disperciant, eterna valeat merces adquiri. Unde ego Aynardus, hujus rei gratiam recompensans, dono pro anime mee remedio ac patris ac matris, Deo et sanctis apostolis ejus Petro et Paulo et ad locum Cluniaco, aliquid ex rebus meis que sunt site in pago Matisconense, ac in villa Turniaco: hoc sunt duo campi; unus campus terminat de duabus partibus via publica, a sero silva et via publica. Infra istas terminationes, quartam partem de his rebus dono. Et dono in ipsa villa vineam que terminat a mane de ipsa hereditate, et de duabus partibus via publica, a sero terra Ugbert cum heris. Infra istas terminaciones, unam medietatem dono. Et dono in villa Circiaco pratum unum, meam portionem, quantum inibi visus sum habere. Has ergo res denominatas ea ratione dono ad jam dictum locum, ut quamdiu vixero teneam, et singulis annis, in vestitura, IIII sextarios persolvam de vino, et post discessum meum, ad ipsum locum revertantur. Si quis autem hanc cartam calumniare voluerit, non valeat vindicare quod repetit, set, coactus, auri libram I persolvat, et inantea firma et stabilis permaneat, stipulatione subnixa. Actum Cluniaco monasterio. Et dono servum, nomine Rotardum, cum uxore et infantibus suis. S. Aynardi, qui fieri et firmare rogavit. S. Ingelgerii. S. Arlemari. S. Isembardi. S. Oylardi. S. Bernardi. S. Arnaldi. S. Rotgerii. Data per manum Teotmari, monachi, anno XXX regnante Lothario rege.